Apple iWatch vjen me ekranin e lakuar

Ora e mençur e Apple, iWatch pritet të lëshohet gjatë muajit shtator, bashkë me gjeneratën më të re të telefonit të kompanisë, iPhone 6.

Por, kjo nuk duket se do të jetë lajmi i vetëm për pajisjen e re të Apple, pasi që tani thuhet se ora e mençur e Apple do të vijë me ekranin e lakuar, e cila do t’i përngjajë orës tjetër rivale të Motorola-së, Motorola Moto 360.

Sipas një raporti të ri të publikuar nga Rosenblatt Securities, thuhet se Apple iWatch do ta sjell ekranin e lakuar dhe e njëjta do të ketë dizajn edhe më të hollë sesa Moto 360.

Për më shumë, sipas raportit thuhet se ora do të vijë në dy versione, njërin me ekranin me diagonale prej 1.3 inç për femra, dhe tjetrin me ekran prej 1.7 inç, që do ti kushtohet meshkujve.

Raporti gjithashtu thotë se Apple iWatch do ti prodhojë prej 18-21 milionë njësi të orës së saj.
Çmimi i Apple iWatch do të sillet rreth 300 dollarë, ndërsa ekrani i orës pritet të jetë prej safari. Karakteristika tjera të orës pritet të përfshijnë edhe funksionet si përcjellësit e shëndetit dhe fitnesit, si dhe butonat për komanda të automatizuara për shtëpi. / Telegrafi /