Angela vjen si femër atraktive dhe e rrezikshme në krah të burrit të saj, në xhirimin e titulluar "Dashuri e jashtëligjshme" (Video)

Angela Martini vazhdon të jetë në qendër të vëmendjes që nga martesa me pasanikun rumun, Dragos Savulescu.
Bukuroshja shqiptare javë më parë përmes rrjeteve sociale njoftoi se e ka kurorëzuar me martesë lidhjen me partnerin e saj.

Ndërsa kohë pas kohë në profilin e saj në Instagram ka publikuar imazhe që dukeshin si një set fotografik.
Porse e gjitha duket të ketë qenë pjesë e një klipi që modelja dhe burri i saj e kanë xhiruar.

Angela i ka publikuar tri video në Instagram që janë në formë të një filmi të shkurtër të çiftit.
Regjinë e këtij xhirimi e ka bërë Ryan Gregory Phillips, ndërsa nuk mungojnë edhe skenat intime të dy protagonistëve.

Modelja shkodrane shfaqet jashtëzakonisht atraktive e veshur me të brendshme, ndërsa janë të pranishme edhe vallëzimet joshëse të saj.
Njëherësh, ajo paraqitet edhe në rolin e një femre të rrezikshme. Për më shumë ndiqni videot e mëposhtme. /Telegrafi/































































