Angela Martini: Nuk ka asgjë të keqe të jesh homoseksual, është diçka e bukur

Bukuroshja e njohur shqiptare, Angela Martini, është shumë aktive dhe e ndjekur në rrjetet sociale.

Ajo ndan çdo ditë me fansat fotografi dhe video të ndryshme nga jeta e përditshme apo aktivitetet e ndryshme profesionale.

Së fundmi, Martini u dha mundësinë fansave të saj në Instagram që t’i tregojnë diçka që dëshirojnë asaj në InsatStory.

View this post on Instagram

A post shared by Angela Martini ?? (@angela_martini)

“Më tregoni një sekret”, kishte shkruar ajo, teksa një prej fansave shqiptarë kishte ndarë me të faktin se është homoseksual.

“Jam homoseksual, je njeriu i parë që po të tregoj, ndjenjë e çuditshme por e parealizueshme në Shqipëri”, i ka shkruar fansi Angelës.

Ndërkohë që me një përgjigje motivuese, modelja shkodrane ia ka kthyer: “Nuk ka asgjë të keqe të jesh homoseksual. Është diçka e bukur, dashuria është dashuri e duhet të jesh krenar”.

Por ajo nuk ndaloi këtu, pasi Angela Martini gjeti mënyrën për t’i dhënë motiv edhe një fansi/e tjetër, që shkroi anonimisht në profilin e saj, se “dëshira për të krijuar familje i kishte shkuar poshtë”.

“Ndoshta ti nuk e gjete personin e duhur ende, ose do të thotë që ti ke një destinim ndryshe”, shkroi Martini në përgjigjen e saj.

Model;ja shqiptare shquhet për lidhjen e afërt që ka për fansat, duke u munduar gjithnjë t’i motivojë dhe inspirojë ata. /Telegrafi/