Ancelotti jep mendimin e tij mbi Superligën Evropiane

Të enjten, Gjykata Evropiane e Drejtësisë hapi derën për një Superligë Evropiane të mundshme, pasi vendosi që UEFA dhe FIFA nuk mund të ndëshkojnë klubet – në këtë rast Barcelonën dhe Real Madridin – për përpjekjet për të formuar një ligë të shkëputur.

Lajmi u prit me kënaqësi në zyrat e dy klubeve të mëdha nga La Liga, megjithëse nuk është pritur aq ngrohtësisht në të gjithë Evropën, me shumë prej tyre që tashmë kanë shpallur synimin e tyre për të refuzuar Superligën Evropiane.

Trajneri i Real Madridit, Carlo Ancelotti, u pyet për këtë çështje pas fitores së fundit të së enjtes ndaj Alavesit, dhe italiani beson se klubet do t’i afrohen idesë së Superligës Evropiane.

Lexo po ashtu “Ato klube që dhanë deklarata refuzimi, më kanë thirrur për t’u bashkuar”, drejtori i Superligës Evropiane ‘lëshon’ bombën

“Ishte një vendim i rëndësishëm për të gjithë futbollin, për të gjitha klubet. Disa mund të mos jenë aq të bindur, por është e qartë se nuk mund të ketë një monopol që drejton botën tonë”, ka thënë fillimisht Ancelotti.

“Kjo do të jetë pozitive. Do të përmirësojë kalendarin ndërkombëtar, gjë për të cilën jemi të shqetësuar. Koha do të tregojë se është pozitive, jam i bindur”.

“Nuk kam pasur kohë të shikoj formatin, por do ta bëj. E përsëris se ky vendim do të jetë shumë i mirë për futbollin”, përfundoi trajneri i Real Madridit.

Lexo po ashtu Klubet dhe formati – Gjithçka që duhet të dini për modelin e Superligës Evropiane

Jo të gjithë kanë një mendje kaq të hapur ndaj idesë si Ancelotti, megjithëse Real Madridi do të shpresojë që të tjerët të fillojnë t’i ndjekin ata në Superligën Evropiane.

Tani për tani, kjo nuk duket se është kështu për një kohë, të paktën. /Telegrafi/