Ancelotti gëzon tifozët e Evertonit: Liga e Kampionëve nuk është një mision i pamundur, por jo tani

Carlo Ancelotti sot është prezantuar te Evertoni, ndërsa tha se arritja në Ligën e Kampionëve nuk është një mision i pamundur.  

Trajneri 60-vjeçar që në të shkuarën ka drejtuar klube si Chelsea, Real Madrid, PSG, Juventus dhe Milan ka nënshkruar për klubin nga Liverpooli deri në vitin 2024.

Ai e ka marr drejtimin e Evertonit, që aktualisht është në vendin e 15 –të në Ligën  Premier, katër pikë më lartë se zona e rënies.

“Liga e Kampionëve është një qëllim dhe objektiv, por pas një kohe. Asgjë nuk është e pamundur”.

Everton nuk e ka mbyllur kampionatin në top katër që nga vitit 2005, ndërsa më herët kishin arritur ta bëjnë edhe në vitin 1988.

Të vetmet klube me të cilat Ancelotti ka marr fitore më pak se  50 për qind janë Reggiana dhe Parma në fillim të viteve 1990.

Ai foli në ditën kur Everton e bëri publik projektin për stadiumin e ri me një kapacitet  prej 52,000- ulësesh.

“Atraktive është historia dhe tradita e këtij klubi. Është një nga më të mëdhenjtë në Angli”, ka thënë Ancelotti.  /Telegrafi/