Analisti boshnjak publikon dokumente për vendndodhjen e 48 bazave operuese ofensive që Serbia vendosi në kufirin me Kosovën

Serbia vazhdon të provokojë situatën në Kosovë me veprimet e saja dhe kërcënimet për luftë.

Së fundmi fqiu verior ka vendosur 48 baza operuese ofensive, nga to 28 janë baza ushtarake dhe 20 sosh të xhandarmërisë rreth kufirit të Kosovës.

Për këto baza ushtarake kishte folur muaj më parë edhe vetë kryeministri Albin Kurti.

Kurti kishte vënë theksin te kërcënimi për sigurinë e Kosovës dhe rajonit që mund t’iu vijë nga aleanca ushtarake e Serbisë me Rusinë.

“Ministri i Mbrojtjes së Rusisë ka një seli brenda Ministrisë së Mbrojtjes së Serbisë”, kishte thënë Kurti, duke shtuar se ka rreziqe për tensionim të situatës në Ballkan.

“Serbia ka lidhje të ngushta me Kremlinin, në njërën anë kulturore e historike, e tjetrën ushtarake e ekonomike”, tha kryeministri.

E së fundmi në Twitter janë publikuar dokumente ku shihen saktësisht vendndodhja e 48 bazave operuese ofensive të vendosura nga Serbia afër kufirit me Kosovën.

I’ve received a set of docs providing a detailed account of Russia’s presence w/in the political/security architecture of Serbia, claims of Russia training special forces in SRB but also BiH’s RS entity + locations of dozens of Serbian military sites along the Kosovo border. pic.twitter.com/AkYGBekzuy

— Jasmin Mujanović (@JasminMuj) January 17, 2023

Publikimin e tyre e ka bërë analisti boshnjak Jasmin Mujanoviq.  Ai ka thënë se ka pranuar një sërë dokumentesh ku përshkruhet në detaje prania e Rusisë në politikën e sigurisë së Serbisë.

“Kam marrë një sërë dokumentesh që ofrojnë një përshkrim të detajuar të pranisë së Rusisë në arkitekturën politike/sigurie të Serbisë, pretendimet e Rusisë duke trajnuar forcat speciale në SRB por edhe entitetin RS të BiH + vendndodhjet e dhjetëra objekteve ushtarake serbe përgjatë kufirit të Kosovës”, shkruan Mujanoviq.

Ndryshe kryeministri Albin Kurti së dje në një intervistë për gazetën zvicerane “Blick” ka deklaruar presidentin rus, Vladimir Putinin e pengon suksesi i Kosovës.

Lexo po ashtu Serbia vendosi 48 baza operuese ofensive në kufiri me Kosovën, Ibishi i sheh si kërcenim real për vendin

Ai është shprehur se Putini është i fiksuar pas Kosovës.

“Për të pasur paqe afatgjatë, siguri dhe stabilitet rajonal, Serbia duhet të distancohet dy herë: nga e kaluara e Millosheviqit dhe tani nga Putini. Sepse Serbia po i afrohet gjithnjë e më shumë Rusisë. Putin dëshiron të nxisë konfliktin me Kosovën.”, ka thënë Kurti. /Telegrafi/