Amy Schumer e quan Kanye Westin nazist

Komedianja i njohur amerikane, Amy Schumer bëri një referencë të shkurtër, prerëse për ‘nazistin’ Kanye West gjatë rikthimit të saj në Saturday Night Live.

Schumer, 41 vjeçe, ishte nikoqire e shfaqjes për herë të parë që nga viti 2018 dhe për herë të tretë në përgjithësi, dhe nuk la anash pas komentuar mbi West dhe postimet e tij të fundit antisemitike gjatë monologut të saj të hapjes.

Ylli i “Life and Beth” po fliste me turmën se si burri i saj ishte në spektrin e autizmit dhe se si gjendja e tij dikur quhej ‘Sindroma Asperger’.

“Dikur quhej Asperger, por më pas zbuluan se Dr. Asperger kishte lidhje me nazistët, Kanye…”, u shpreh ajo.

Krijuesja e “Inside Amy Schumer”, shkruan DailyMail, më pas bëri sikur nuk donte ta thoshte këtë, duke prekur mikrofonin e saj për të parë nëse dikush mund ta dëgjonte dhe u shpreh: “Kjo është e çuditshme”.

Schumer e cila prej shumë kohësh është liberale iu referua edhe zgjedhjeve të ardhshme, duke bërë shaka se ajo po prezantonte episodin e fundit para ‘aborteve afatmesme’.

Ajo gjithashtu diskutoi jetën e saj me burrin dhe djalin e saj përpara se të vazhdonte të luante në skeçe të ndryshme dhe të prezantonte të ftuarin, Steve Lacy.

Westi ka qenë nën kritika kohët e fundit për komentet që ai bëri muajin e kaluar që u konsideruan si antisemite. Llogaria e reperit në Twitter më vonë u pezullua.

Komentet e tij ndikuan që ai të humbte qindra miliona dollarë në marrëveshje biznesi dhe partneritete reklamuese, duke përfshirë GAP, Balenciaga dhe Adidas, të cilët ishin prodhuesit dhe shpërndarësit e linjës shumë të suksesshme të veshjeve të reperit dhe markës së këpucëve Yeezy. Gjiganti bankar JP Morgan Chase ka ndërprerë gjithashtu bashkëpunimin me të.

Ndërsa Kanye ka qenë i njohur për shpërthime të paparashikueshme në mediat sociale – ai u diagnostikua me çrregullim bipolar në 2016.

West ka refuzuar të marrë trajtohet për stabilizimin e humorit – pavarësisht nga diagnoza e tij. /Telegrafi/