23/07/2018
Fituesi i Kupës së Republikës së Kosovës, Prishtina ka përfunduar aventurën e vet në garat evropiane.
Prishtina u eliminua nga skuadra e Luksemburgut, Fola Esch pas 210 minutave lojë me rezultat të barabartë 0-0 ndërsa në penallti nuk kishin fat duke pësuar humbje.
Klubi nga kryeqyteti i Kosovës ka marrë edhe këtë vit dënim nga shtëpia më e madhe e futbollit në Evropë, UEFA.
UEFA ka dënuar Prishtinën me një shumë të hollash prej 4000 eurove.
Ky dënim erdhi pasi tifozët prishtinas ndezën fishekzjarrët dhe i hodhën atë në fushë në raundin preliminar kundër FC Europas të Gjiblartarit.
Edhe vitin e kaluar klubi kosovar u dënua me 3000 euro për të njëjtën arsyeje kundër Norrkopingut. /Telegrafi/