Portieri portugez, Rui Patricio është lojtari më i ri i skuadrës angleze, Wolverhampton të njohur si Wolves.
Wolves ka arritur të rikthehet në Ligën Premier pas disa sezoneve të kaluara në Championship.
Me rikthimin e tyre në elitën e futbollit anglez, Wolves kanë filluar të mendojnë edhe për transferime.
Një të tillë tashmë e kanë bërë dhe e kanë zyrtarizuar në faqen e tyre zyrtare në rrjetet sociale.
Është portieri portugez, Rui Patricio, i cili ka nënshkruar kontratë me klubin anglez.
30-vjeçari Patricio ka arritur marrëveshje me Wolves duke nënshkruar kontratë katër vjeçare.
"Wolves janë të lumtuar të konfirmojnë se reprezentuesi i Portugalisë dhe Sportingut, Rui Patricio, i është bashkuar klubit për një kontratë katër vjeçare", thuhet në njoftimin e klubit anglez.
Ndryshe, Patricio ka zhvilluar 460 ndeshje me Sportingun dhe 70 tjera me Portugalinë. /Telegrafi/