21/08/2018
Njëri ndër basketbollistët më të mirë në Superligën e Kosovës, Mikaile Tmusic është transferimi i radhës i Sigal Prishtinës.
Tmusic që vitin e kaluar mbronte ngjyrat e KB Bashkimit, ishte lojtari kryesor i ekipit prizrenas që arriti të fitonte titullin e tyre të parë.
Mikaile njihet si lojtar mjaft i rëndësishëm për ekip, sepse është i fuqishëm në mbrojtje, kurse në sulm treshet janë pika më e fortë e tij.
Mikaile Tmusic, gjithashtu këtë vit debutoi edhe për Kosovën në kualifikimet për botërorin, Kina 2019.
“Mirësevjen në shtëpinë e kampionëve, Mikaile”, thuhet në njoftimin e klubit prishtinas.
Prishtina ka bërë disa transferime mjaftë të rëndësishme dhe pritet ta thotë fjalën kryesore këtë vit në Superligë. /Telegrafi/