Zyrtare: Ballkani merr në huazim edhe për një vit Mirlind Dakun nga Osjeku

Mirlind Dakun do të luajë edhe një vit te Ballkani, pasi klubi therandas ka arritur marrëveshje me NK Osjkeun për huazimin e tij njëvjeçar.

Ka qenë vet klubi i Ballkanit që e ka konfirmuar lajmin, pasi Daku edhe në gjashtë muajt e fundit ishte në këtë klub.

“Kemi kënaqësinë të ju informojmë se pas shumë negociatave me NK Osjek, kemi arritur të sigurojmë shërbimet e shtatlartit Mirlind Daku në formë huazimi për një vjet”.

“Duke i’u referuar thënies së pas dukurive cilësore ngritët shumë pluhur, ashtu ndodhi edhe me rastin e Mirlindit, meqenëse negociatat ishin shumë të vështira, por fatmirësisht rezultuan të suksesshme”.

“Nga sulmuesi shtatlartë  presim qe të bëjë me te mirën qe ai din, pra të tund rrjetat e kundërshtarëve”, thuhet në njoftimin e klubit.

Daku është futbollist i NK Osjek, por nuk e ka gjetur vetën në kampionat kroat, duke u huazuar fillimisht te Kukësi, pastaj në Kosovë te Ballkani. /Telegrafi/