Zgjedhje e vërtetë mode: Pesë rregulla për bartje të mokasineve

Një ndër pjesët e cila dukshëm avancon dukjen e çdo mashkulli janë edhe mokasinet jashtëkohore

Këtë model mbathjesh e karakterizon edhe mundësia e kombinimit si me pjesët sportive rastësore ashtu edhe me rrobat formale.

Nëse njëkohësisht dëshironi të dukeni elegant dhe i relaksuar, atëherë mokasinet janë zgjedhja më e mirë për ju. Këto janë disa nga rregullat më të rëndësishme për bartje të mokasineve, transmeton Telegrafi.

Përmbajuni klasikes. Sikur edhe modelet e tjera të këpucëve klasike, edhe mokasinet mund t’i gjeni në diapazon të gjerë ngjyrash. Megjithatë, opsioni më i mirë janë modelet klasike të bëra nga lëkura e rehatshme dhe cilësore me toja zbukurime lëkure.

Blini çorape të shkurtra. Nuk keni nevojë të eliminoni çorapet në tërësi, mirëpo si zgjidhje më ideale janë treguar çorapet e shkurtra, të cilat janë të rehatshme dhe pothuajse nuk shihen fare.

Pantallona të shkurtra. Shumica e meshkujve i kombinojnë mokasinet me pantallona disa herë të përvjela. Zgjidhja janë pak më të shkurtra pantallonat apo xhinset të cilat do të arrijnë deri te nyelli i këmbës.

‘Preppy’ dukje. Mokasinet janë pjesë e cila i takon stilit preppy, prandaj në mënyrë të shkëlqyeshme plotësojnë pantallonat dhe gjysmëfanellat. Këto pjesë veshjesh zgjidhni në ngjyrë me tone pastel, ndërkaq stilin mund ta përsosni duke bartur rripa të thurur dhe syze dielli retro modele.

Mirëmbajtja. Mokasinet mirëmbani rregullisht me mjete për pastrim dhe shkëlqim të këpucëve të lëkurës. Nuk rekomandohet që t’i mbathni në motin me shi. /Telegrafi/