Nicolo Zaniolo ka qenë njëri nga zbulimet e kampionatit italian Serie A këtë edicion.
Mesfushori ofensivë ka shkëlqyer me fanellën e Romës me gola e asistime duke rënë në sytë e skuadrave të mëdha evropiane.
19-vjeçari iu bashkua Romës nga Interi verën e vitit të kaluar në një marrëveshje së bashku me Davide Santon, ndërsa tek zikaltërtit shkoi Radja Nainggolan.
Falë paraqitjeve fantastike në kampionat dhe në Ligën e Kampionëve, vlera e talentit italian është ngritur nga katër milionë në 60 sosh.
Juventus, Bayern Munich, Chelsea, Manchester City e Paris Saint Germain janë skuadrat e interesuara për italianin.
Por reprezentuesi i Italisë ka pranuar rinovimin me Romën ku do të ketë edhe një pagë shumë më të lartë se aktualja.
Në sezonin e tij të parë te Roma, Zaniolo ka fituar 700 mijë euro në sezon, ndërsa me kontratën e re e cila do të nënshkruhet deri në vitin 2024 ai do të fitojë 2,5 milionë euro në stinor. /Telegrafi/