Zaev: Mandati për formim të qeverisë duhet t'i jepet koalicionit me 61 deputetë

Lideri i opozitës maqedonase, Zoran Zaev, pret që presidenti Gjorge Ivanov, mandatin për formim të qeverisë t'ia jep kryetarit të partisë i cili do të sigurojë shumicë prej 61 deputetëve në Kuvend, përcjell Telegrafi Maqedoni.

"Neni 90, i Kushtetutës së Maqedonisë është i qartë. Ai thotë se presidenti i RM, i'a jep mandatin atij presidenti të partisë politike ose koalicionit të cilët do të tregojnë se kanë shumicë në Parlament. Kjo do të thotë minimum 61 deputetë", tha Zaevi.

Ndërsa në pyetjen se çfarë pret nga Gjykata Administrative, pas ankesave të dorëzuara nga partia e tij, ai tha se nuk ka as pritje pozitive as negative./Telegrafi/