Menjëherë pas triumfit ndaj Luis Ortiz, Deontay Wilder konfirmoi se në fillim të vitit të ardhshëm do ta zhvillojë rimeçin edhe ndaj Tyson Furyt.
Kampioni i WBC-së e mbrojti titullin e tij me një nokaut në raundin e shtatë, ndërsa boksieri i vetëm që ka dalë nga ringu i pamposhtur nga amerikani është mbetet 'Gypsy King', me të cilin barazuan në mënyrë kundërthënëse në dhjetorin e kaluar.
Dhe pas fitores ndaj Ortizit në Las Vegas, Deontay në stilin e tij u zotua se do t'i shkaktojë dëmtime serioze kundërshtarit të radhës, me të cilin pritet të ndeshet në muajin shkurt.
"Tashmë i kam dhënë tronditje. Planifikoj t'i shkaktoj dëmtime akoma më të mëdha", ka deklaruar Wilder për rimeçin ndaj britanikut.
"Ata (ekipi i Furyt) nuk e duan këtë duel. Ose do ta kishin tërhequr rimeçin... Ata e dinë se unë jam shumë i rrezikshëm me dorën e djathtë. Ai e ka thënë këtë miliona herë. Dhe do ta ndiejë sërish, por në një mënyrë më të keqe, në shkurt. Mezi po pres", ka shtuar kampioni i botës në kategorinë e peshave të rënda. /Telegrafi/