Arturo Vidal ka folur për obsesionin e tij për të fituar Ligën e Kampionëve duke thënë se dëshiron ta fitojë me Barcelonën pasi ky është trofeu i tij i preferuar.
Me largimin e Paulinhos së kthyer në Kinë, Barcelona kishte një zbrazëti në mesfushë, të cilën e mbushën me transferimin e Arturo Vidalit, i cili arriti në Camp Nou në një nga lëvizjet më të habitshme të verës.
Mesfushori kilian foli për gazetën Mundo Deportivo, ku diskutuan ambiciet e tij për sezonin e ardhshëm, për të cilin ai i ka vënë sytë për sukses në Evropë.
"Titulli im i preferuar është Liga e Kampionëve", ka thënë fillimisht Vidal për mediumin e njohur spanjoll.
"E di që Barcelona e ka fituar atë në shumë raste, por unë dua ta fitoj atë tani".
"Unë dua të fitoj të gjitha me fanellën e Barcelonës".
Vidal vazhdoi të fliste për mundësitë e humbura të Bayern Munichut dhe se si atij i vjen keq që nuk ka fituar turneun me ekipin nga Bavaria.
"Me VAR-in, Bayerni do të kishte dy Liga të Kampionëve më shumë", përfundoi mesfushori kilian. /Telegrafi/