14/09/2017
Vetëm një tifoz shqiptar është ulur sot në tribunën që i rezervohej tifozëve udhëtues në stadiumin “Olimpiysky” të Kievit.
Mediave ukrainase u ka rënë në sy sjellja e këtij tifozi i cili nuk ngurroi edhe të hapte menjëherë një flamur shqiptar në shkallaret e tribunës ku ai ishte “zot” gjatë 90 minutave, shkruan PanoramaSport.
Tifozi shqiptar që kishte blerë biletën për këtë sfidë, ishte i vetëm përballë 24892 tifozëve ukrainas që ndoqën këtë takim në shkallaret e stadiumit “Olimpiysky”, sipas të dhënave zyrtare të klubit mbi ata që kishin prerë biletën për këtë sfidë.
Kujtojmë që Skënderbeu pësoi humbje me rezultat 3-1 nga udhëtimi në Kiev, tek ish-kampionët e Ukrainës.