Vëllaznimi shënon fitore të madhe, derbi drenicas pa fitues

Dy skuadrat drenicase kanë luajtur futboll të hapur me disa raste shënimi por pa mundur të shënoj gol njëra apo tjetra skuadër.

Drenica mbeti me një futbollist më pak nga minuta e 69-të, kur portieri Burim Sadiku u ndëshkua me karton të kuq, por as me një futbollist më shumë lideri Ferronikeli nuk arriti të shënoj gol.

Pas kësaj fitore Ferronikeli vazhdon të kryesoj elitën e futbollit kosovar me 41 pikë, ndërsa Drenica zë pozitën e shtatë me 28 sosh.

Ndërkohë fitore të madhe ka shënuar Vëllaznimi në udhëtimin e vështirë që pati në Mitrovicë, ku mposhti Trepçën me rezultat 2-1.

Gjakovarët kaluan në epërsi në minutën e 38-të, kur mbrojtësi Yll Myrta realizoi me kokë pas një goditje nga këndi. Golin e dytë gjakovarët e arritën 20 minuta para fundit të ndeshjes nëpërmjet Nuzës.

Trepça e ngushtoi epërsinë 10 minuta para fundit të takimit nëpërmjet kapitenit Shpëtim Babaj, por deri në fund rezultati mbeti i pandryshuar 2-1 në të mirë të gjakovarëve, të cilët e arritën një fitore të madhe në luftën për mbijetesë.

Pas kësaj fitore Vëllaznimi është ngjitur në kotën e 23 pikëve në pozitën e nëntë ndërsa Trepça mbetet e fundit me 15 pikë dhe me gjasa minimale për t`i shpëtuar rënies. /Telegrafi/