Unitedi përgatit shumë marramendëse për Higuain
09/03/2016
Jose Mourinho është duke planifikuar të shpenzojë 73 milionë funte (94 milionë euro) për Gonzalo Higuainin, në rast se portugezi merr drejtimin e Manchester Unitedit.
Djajtë e Kuq kanë nevojë për përforcime, pasi po kalojnë një tjetër sezon zhgënjyes dhe pos trajnerit pritet të transferojnë edhe disa lojtarë.
Sipas BuzzSport, ish-trajneri i Real Madridit është i interesuar që të punojë sërish me argjentinasin, i cili aktualisht luan te Napoli.
Tekniku portugez e ka drejtuar 28-vjeçarin në Santiago Bernabeu dhe forma e tij e mirë ka bërë që të mendojë për ta transferuar në Old Trafford.
Nën drejtimin e Louis van Gaal, Unitedi ka shpenzuar shumë, por nuk i ka arritur pritshmëritë. /Telegrafi/