Manchester United ka kaluar në 1/8 e finales në Ligën e Evropës pasi ka marrë një fitore të lehtë para adhuruesve të vet 5-0 ndaj Club Brugge.
Unitedi e nisi ndeshjen duke sulmuar që nga minuta e parë pasi nuk dëshironin t’i linin asgjë rastit.
Kësisoj në minutën e 23-të, Djajtë e Kuq fituan penallti dhe mbrojtësi mysafir Simon Deli u përjashtua nga loja me karton të kuq.
I saktë nga pika e bardhë ishte mesfushori portugez Bruno Fernandes për ta kaluar Unitedin në epërsi.
Vetëm shtatë minuta më vonë, ishte sulmuesi nigerian Odion Ighalo që shënoi për 2-0 pas asistimit nga Mata.
United nuk u ndal dhe gjetën edhe golin e tretë në këtë takim, kur shënoi skocezi Scot McTominay pasi u shërbye mirë nga Fred.
Pjesa e dytë ishte më e qetë, por edhe në këtë 45 minutësh dominuan vendasit.
Goli i katërt për Djajtë e Kuq erdhi në minutën e 82-të, kur pas asistimit të Jesse Lingard shënoi Fred për 4-0.
Krejt në fund të ndeshjes, mesfushori brazilian Fred realizoi golin e dytë personal dhe të pestin për skuadrën e tij për rezultatin përfunditar 5-0.
Kësisoj Manchester United kalon në 1/8 e finales me rezultat të përgjithshëm 6-1 pas dy ndeshjeve. /Telegrafi/
Bruno Fernandes ??#mufcpic.twitter.com/nZZZDUGFv3
— Simply Utd (@SimplyUtd) February 27, 2020
? HT: Manchester United 3-0 Club Brugge | Goals from Bruno Fernandes, Odion Ighalo & Scott McTominay brings United ahead!!!!!! #MUNCLUpic.twitter.com/2IL1yzRrGT
— D9INE (@D9INE_EUROPE_) February 27, 2020
Lingard katoa assist bana ??Fred goal vs Brugge (4-0) #MUFC
pic.twitter.com/eYHPJsgLQ0— NoWayy (@neke_k9) February 27, 2020
? Manchester United vs Club Brugge | Fred (GOAL!!!) 93' #MUNBRUpic.twitter.com/6FNyxK36zy
— D9INE (@D9INE_EUROPE_) February 27, 2020