Trepça ka shënuar fitore në kuadër të xhiros së njëzet të Ip Superligës së Kosovës në basketboll.
Mitrovicasit para shikuesve të vetë kanë triumfuar kundër Rahovecit me rezultat 84-78.
Tre çerekët e parë i takuan vendasve, të cilët krijuan epërsi solide që e menaxhuan në dhjetë minutshtin e fundit të takimit.
Në pjesën e parë, vendasit krijuan epërsi prej nëntë pikëve, ku rezultati në semafor tregonte shifrat 44:35.
Megjithëse në çerekun e fundit, mysafirët u munduan të rikthejnë rezultatin, kjo nuk ishte e mundur dhe kështu Trepça triumfoi 84-78.
Basketbollisti më efikas tek minatorët ishte Imer Tahiri me 22 pikë ndërsa te vreshtarët u dallua Williams me 18 pikë.
Pas kësaj, Rahoveci bie në pozitën e katërt të renditjes tabelore me 31 pikë ndërsa Trepça renditet e pesta me 29 sosh. /Telegrafi/