Tjetër ndeshje, tjetër rekord nga Messi (Video)
06/03/2016
Në ndeshjen kundër Eibarit, Lionel Messi ka vënë një tjetër rekord në kampionatin Spanjoll.
Superylli i Barcelonës shënoi dy gola në triumfin prej 4-0 të skuadrës së tij.
Në këtë mënyrë, ai ka kaluar shifrën prej 20 golash në këtë edicion dhe ky është sezoni i tetë në La Liga, në të cilin argjentinasi shënon 20 e më shumë gola.
Rivali më i afërt për këtë rekord është Cristiano Ronaldo, i cili ka shënuar 20 e më shumë gola në shtatë sezone në kampionatin spanjoll.
Alfredo Di Stefano, Ferenc Puskas, Quini dhe Telmo Zarra, kanë realizuar nga 20 e më shumë gola në gjashtë sezone. /Telegrafi/