Tifozi i Man Cityt e godet grusht atë të Liverpoolit para syve të policisë - krijohet një tollovi e vogël

Një tifoz i Manchester Cityt u kap nga kamera duke sulmuar një tifoz të Liverpoolit përpara ndeshjes mes dy ekipeve.

Ndeshja zhvillohet  në Wembley për gjysmëfinalen e FA Cup, ku dy skuadrat më në formë në Evropë do të takohen sërish.

Forcat e policisë hynë me shpejtësi për të ndarë dy palët e përfshira përpara se incidenti të përshkallëzohej më tej.

Nuk është e qartë saktësisht se çfarë e frymëzoi agresionin, megjithëse shpresojmë që tifozi i goditur të jetë i sigurt dhe të mos ketë pësuar shumë dëme.

Manchester City dhe Liverpooli janë në luftë në tre fronte: Ligën e Kampionëve, Ligën Premier dhe FA Cup. /Telegrafi/