Imazhe të zjarreve dhe veturave të shkatërruara në afërsi të Champs-Elysees në Paris janë shpërndarë pas humbjes së Paris Saint-Germainit nga Bayern Munichu në finalen e Ligës së Kampionëve.
Mijëra tifozë të kamponit francez ishin mbledhur në kryeqytet për ta përcjellë finalen e madhe, mirëpo mbetën zemërthyer, kur skuadra e tyre pësoi humbje me golin e Kingsley Coman në pjesën e dytë.
Ndërsa zhgënjimin e tyre e kanë shprehur pas fundit të takimit duke dëmtuar vetura, duke ndezur zjarre në vende të ndryshme dhe duke u përleshur me policinë.
Parisi mbetet zonë e kuqe lidhur me pandeminë e COVID-19, ndërsa tifozët i kanë shkelur rregullat duke u grumbulluar në Champs-Elysees dhe në stadiumin Parc des Princes.
Kjo ishte finalja e parë në histori të PSG-së, ndërsa lojtarët e Thomas Tuchel i patën rastet e tyre në këtë sfidë. /Telegrafi/
https://twitter.com/Atlantide4world/status/1297819802342436864
https://twitter.com/thecasualultra/status/1297651425049272322