Tentoi të imitojë lëvizjet e Michael Jackson, roboti rrëzohet në Shenzhen të Kinës

Robotët mund të jenë gati të marrin vendet e punës nga mijëra punëtorë, por imituesit e Michael Jackson nuk kanë pse të shqetësohen.

Një video virale ka zbuluar momentin kur një robot pësoi një katastrofë qesharake në mes të performancës ndërsa vallëzonte me Billie Jean.

Roboti i ngathët po performonte para një publiku që e shihte dhe një ekipi kameramanësh, në një event të organizuar nga dyqani i robotëve Future Era në Shenzhen të Kinës.

Ndërsa muzika luhej, balerini humanoid filloi të lëvizte në mënyrë atletike nëpër skenë përpara se të pengohej në një shkallë.

Pasi luftoi për të rifituar ekuilibrin, roboti arriti të bënte disa lëvizje të tjera përpara se të përplasej në të njëjtin vend, transmeton Telegrafi.

Ndërsa publiku shikonte në heshtje të habitur, një asistent njerëzor doli nga krahët për të tërhequr me turp trupin e tij të ‘pajetë’ nga skena. /Telegrafi/