14/12/2021
Reperja e njohur shqiptare, Tayna, ka prezantuar për publikun projektin e saj më të ri muzikor.
"OFG" mban titullin kënga e saj e re, e cila u publikua pikërisht në ditëlindjen e saj të 25-të.
Kënga është ritmike e zhanrit hip-hop, e cila është incizuar nga producenti Çelik Lipa.
Ndërkohë vijën melodike dhe tektin i ka realizuar vet reperja Tayna, emri i vërtetë i së cilës është Doruntina Shala.
"OFG" është vizualizuar edhe me klip, në të cilin Tayna është shfaqur si gjithmonë me një paraqitje mjaft atraktive.
Ana vizuale i është besuar produksionit Sekuencë Studio. /Telegrafi/