Mediat italiane raportojnë se është arritur marrëveshja mes Ledian Memushajt dhe Barit për kalimin e futbollistit shqiptar te skuadra e Serie B.
Mirëpo, që mesfushori i kombëtares shqiptare të transferohet në Puglia në janar, duhet që Benevento ta pranojë ofertën.
Sipas asaj që raporton Tuttomercatoweb, gjithçka është në duar të drejtuesve të klubit që e ka në pronësi lojtarin, të cilët ende nuk kanë vendosur nëse do të privohen apo jo nga Memushaj në afatin kalimtar dimëror.
Ditët në vazhdim do të jenë vendimtare për të ardhmen e 31-vjeçarit nga Vlora.
Memushaj ka qenë në pronësi të Pescaras, mirëpo në verën e kaluar nënshkroi kontratë për huazim njëvjeçar te Benevento.
Futbollisti shqiptar ka një përvojë të gjatë në futbollin italian, ndërsa në të kaluarën ka luajtur edh për klube, si Chievo e Lecce.
Nga ana tjetër, mesfushori është pjesë e kombëtares shqiptare që nga viti 2010. /SS/Telegrafi/