Spektakël në Philadelphia, Boston marrin fitore me një treshe vendimtare nga Tatum
Ndeshje spektakolare është zhvilluar në Wells Fargo Center të Philadelphias, ku 76ers janë mposhtur para adhuruesve të vet nga Boston Celtics.
Ka qenë një duel i jashtëzakonshëm, ku në fund ishin mysafirët që triumfuan me tre pikë epërsi 107:110.
Jayson Tatum me një tre pikësh në sekondën e fundit i dha fitoren skuadrës mysafire duke sjell gëzim të madh.
Jaylen Brown ka qenë basketbollisti më efikas i Celtics me 26 pikë të shënuara.
Me lojë të mirë u dallua edhe Tatum që me 18 pikë si dhe Derrick White me po aq pikë të realizuara.
Joe Embiid ishte basketbollisti më efikas te skuadra vendase me 41 pikë e 12 kërcime, por që nuk mjaftuan për fitore.
Vlen të theksohet se Embiid realizoi nga një distancë e largët tre pikësh për të barazuar rezultatin në 110:110, por shënimi nuk u pranua pasi kishin kaluar sekondat. /Telegrafi/