Spanja ka dhënë një sinjal të fortë ndaj Italisë dhe tani për tani spanjollët po përfliten si një nga favoritët e mëdhenj për të fituar në Euro 2024.
Por a mund ta fitojë Spanja titullin? Ata kanë hedhur tashmë kandidaturën pas një futbolli të shkëlqyer në dy ndeshjet e para. MARCA ka publikuar një shkrim, ku është bazuar nga Sportium.es në lidhje me kuotat.
Pas ndeshjes madhështore ndaj Italisë, Spanja është vendosur si favoritja e katërt në baste, me koeficientin prej 6.5.
Tre favoritët e parë janë Franca (4,75), Gjermania (4,75) dhe Anglia (5,5).
Akatualisht po flitet shumë për Spanjën dhe lojën e dobët të skuadrave si Anglia. Sot do të shihet edhe Franca . Me ose pa Mbappe, skuadra e Deschamps përballet me Holandën në duelin e yjeve, ku do të peshohet më shumë vlera e tyre. /Telegrafi/