Trajneri i Interit, Luciano Spalletti, konfirmoi se Mauro Icardi do të kthehet në formacionin fillestar në ndeshjen kundër Genoa.
Më 13 shkurt, argjentinasit iu hoq shiriti i kapitenit dhe për gjashtë javë ishte jashtë fushave të blerta për shkak të problemeve me zgjatjen e kontratës.
"Çdo lojë është e rëndësishme. Renditja tabelore është ngushtë dhe ne kemi nevojë për rezultate. Ekipi u trajnua mirë. Mauro është ftuar në ekip", tha Spalletti.
Kjo deklaratë e ekspertit italian vjen pas humbjes para shikuesve të vetë kundër Lazios me rezultat 1:0.
"Drejtori ynë sportiv bëri një punë të shkëlqyer. Kjo bëri të mundur që Mauro të jetë në gjendje të na ndihmojë. Në kontekstin e ekipit tonë, Mauro është më i vlefshëm se së bashku Messi dhe Ronaldo", tha italiani.
Ky i fundit në këtë formë ka ndryshuar deklaratat e ditëve të më parme se sulmuesi "nuk meriton të luajë për shkak të sjelljes me klubin".
Interi është në pozitën e tretë në tabelë me 53 pikë, dy më shumë se Milani i katërt dhe pesë më tepër se Lazio dhe Atalanta. /Telegrafi/