Southampton dhe Manchester Unitedi i kanë ndarë pikët në kuadër të javës së katërt në Ligën Premier, pasi ndeshja përfundoi 1-1.
Djajtë e Kuq ishin ata të parët që kaluan në epërsi me golin e shënuar nga Daniel James në minutën e dhjetë, pas asistimit që pranoi nga Scott Mctominay.
Pjesa e parë përfundoi me epërsinë minimale të Unitedit, ndërsa në të dytën vendasit kishin një tjetër fytyrë.
Southamptoni arriti që ta barazonte rezultatin me anë të Jannik Vestergaard (58’), nga shërbimi që iu bë prej Kevin Danson.
Vendasit ishin tejet e pafat në minutën e 73’-të, pasi Danso që asitoi te goli i barazimit u përjashtua nga loja, pasi mori kartonin e dytë të verdhë në ndeshje.
Pas xhiros së katërt, Manchester Unitedi ka arkëtuar pesë pikë, ndërsa në javën e pestë do të përballet me Leicesterin në ‘Old Trafford’. /Telegrafi/
https://twitter.com/ManUnitedZone_/status/1167777027740590080