Sistemi i imunitetit në gjak eliminon bakteret duke iu krijuar ‘vrima plumbi’ (Video)

Dr Edward Parson nga University Collage në Londër, është në krye të ekipit të shkencëtarëve, që regjistruan formën se si sistemi i imunitetit në gjak i godet bakteret duke iu krijuar ‘vrima plumbi’ dhe i eliminon.

Vrimat kanë diametër prej vetëm dhjetë nanometrave - dhjetë mijë herë më e vogël se gjërësia e fijes së flokut, transmeton Telegrafi.

“Mendohet se këto nanomekanizma sulmuese, e presin momentin e duhur dhe veprojnë” ka thënë Dr Parson. Me këtë rast, ai beson se mekanizmi i sistemit imunitar, llogaritë mirë nëse qelizat janë të dëmshme apo të shoqërueshme, para se të kryejë goditjet.

Kjo mendohet se i mundëson vet trupit, që të intervenojë dhe të kryejë mbrojtjen e domosdoshme, në mënyrë që qarkullimi të shkojë si duhet. Nëpërmjet pamjeve të regjistruara, shkencëtarët kanë gjetur se si kryhet procesi i eliminimit, për të mbrojtur qelizat e shëndosha.

Shkencëtarët shfrytëzuan një kamerë më të hollë se xhilpëra, që merr pamje nga disa pjesë të sekondës, për të dokumentuar procesin specifik. /Telegrafi/