16/06/2023
Kosova sot zhvillon ndeshjen e tretë të fazës së grupeve për kualifikimet në Euro 2024 kundër Rumanisë.
Shiu që ka rënë dje dhe sot, ka rënduar shumë fushën e stadiumit “Fadil Vokrri” në Prishtinë.
Por, edhe përkundër kësaj, fal punës së madhe nga stafi i stadiumit, deri me tani nuk ka rrezik që ndeshja të mos luhet.
“Fusha është e rënduar pas reshjeve të shiut. Jemi duke bërë çmos që ndeshja të zhvillohet pa problem”, ka thënë drejtori i stadiumit Benet Rezniqi për RTV Dukagjini.
Dueli ndërmjet Kosovës dhe Rumanisë zhvillohet sonte prej orës 20:45.
Kosova ka dy pikë nga dy ndeshje e para, ndërsa Rumania ka gjashtë pikë. /Telegrafi/