08/09/2020
Një shpërthim ka ndodhur në orët e hershme të mëngjesit të së martës në rrugën “C” në Prishtinë.
Sipas Policisë së Kosovës, rasti ka ndodhur rreth orës 03:30, ndërsa nuk raportohet për persona të lënduar.
Lajmin për Telegrafin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 03:30, jemi njoftuar për një rast shpërthimi në një lokal në rrugën "C" në Prishtinë. Njësitet përkatëse policore kanë dal në vendin e ngjarjes dhe po merren me rastin. Nuk raportohet për persona të lënduar. Për zbardhjen e rrethanave të këtij rasti i cili është cilësuar si 'Shkaktim i rrezikut të përgjithshëm', janë duke punuar njësitet përkatëse në koordinim me prokurorinë e shtetit”, tha Ahmeti. /Telegrafi/