Dje (e diel), këngëtarja e mirënjohur Soni Malaj ka prezantuar baladën e saj të re "Shije tradhëtie", gjatë rubrikës “Kënga Magjike” tek “E diela Shqiptare”.
Kënga mban këtë titull pasi flet për një djalë që tradhëton e më pas kërkon falje.
Teksti është shkruar nga Ilir Berani, bashkëshorti i këngëtares Gili, kurse orkestrimin e ka realizuar Shpëtim Saraçi dhe për herë të parë në një festival shqiptar muzike, Saraçi bashkëpunon me të birin, Drinin.
Në ndërkohë, këtë këngë Soni e masterizoi në Itali me një prej më të mirëve, muzikantin Marco Borsati.
Këngëtarja Malaj është rikthyer në garë pas tri viteve, meqë "Për vete më mbaj" ishte projekti i fundit me të cilin ka konkurruar.
Kujtojmë që festivali muzikor “Kënga Magjike” këtë vit vjen me një sërë ndryshimesh, ku kësaj radhe do ketë risi edhe në sistemin e votimeve.
Artistët do vazhdojnë të kenë votën e hapur dhe maksimumi i pikëve që mund ti japin janë 30. Pjesë e votimeve do jetë edhe juria të cilët tanimë janë konfirmuar dhe kanë në dispozicion për vendin e parë 150 pikë.
Nga ana tjetër, vitin e kaluar, çmimin kryesor të festivalit e fitoi Flori Mumajesi, ndërsa konkurrentë më të afërt për çmimin kryesor ishin Aurela Gaçe me Eli Farën që u renditën në vend të dytë, si edhe Fifi dhe MC Kresha që zunë vendin e tretë. /Telegrafi/