Të paktën tetë persona u vranë gjatë një shkëmbimi zjarri pranë një sinagoge në Pitsburg, në Pensilvani.
Një person i armatosur ka hapur zjarr gjatë ceremonisë së lutjeve të së shtunës, në vendin e quajtur “Trungu i Jetës.”
Teksa qëllonte, agresori thërriste: “Të gjithë hebrenjtë duhet të vdesin”, shkruan CNN.
Agresori është arrestuar, por autoritetet nuk janë siguruar ende nëse ka qenë vetëm.
Lidhur me këtë ngjarje, Presidenti Trump reagoi në Twitter.
Ai u bëri thirrje banorëve të zonës në Pitsburg të Pensilvanisë të bëjnë kujdes derisa situata të jetë nën kontroll.
Universiteti Carnegie Mellon, që ndodhej pranë ngjarjes, nxitoi të mblidhte studentët e stafin në një zonë të sigurt urgjence.
Gjithashtu Policia përmes një postimi në Twitter ka kërkuar që njerëzit të shmangin zonën ku ka ndodhur sulmi, përcjell Telegrafi.