Saveski: Papunësia është problemi kryesor i Maqedonisë

Bartësi i listës së kandidatëve të partisë ''E Majta'', Zdravko Saveski, ka bashkëbiseduar me banorët e Manastirit, nga ku ka kërkuar respektimi i të drejtave të punëtorëve, përcjell Telegrafi Maqedoni.

Ai kërkon që të sigurohet një punë e dinjitetshme për një jetë cilësore, ndërkaq problem kryesor për shtetin e konsideron papunësinë.

Saveski paralajmëroi se pas zgjedhjeve, E Majta do ta shfuqizojë kufirin artificial ndërmjet kërkuesve aktiv dhe pasiv të punës, do ta pengojë fshirjen e personave të papunë të evidentuar, për të ditur saktë se sa të papunë janë në vend, si edhe t'u sigurohet e drejta e statusit të personit të papunësuar./Telegrafi/