27/11/2016
Nico Rosberg është shpallur kampion i Formula 1 për vitin 2016 duke e larguar nga froni shokun e tij të skuadrës, Lewis Hamilton.
Lufta për më të mirin në sportin automobilistik u vendos në garën e Abu Dhabit.
Edhe pse piloti britanik e fitoi garën e fundit, gjermani u shpall kampion, pasi i mjaftoi vendi i dytë për ta bërë këtë.
“Është realizimi i një ëndrre fëmijërore. Faleminderit për gjithçka”, ka thënë Rosberg në radio.
Pas vozitjes dramatike, Hamilton e uroi shokun e tij, njëherësh rivalin më të madh dhe të dy pilotët u panë duke u përshëndetur në podium. /Telegrafi/