Këngëtarja Saweetie dhe rep-artisti Quavo janë duke e shijuar romancën e tyre në këto ditë të fillimit të stinës së verës.
Çifti do të festojnë dyvjetorin e lidhjes në shtator të këtij viti, teksa edhe gjatë kësaj pandemia ata nuk kanë pasur probleme, shkruan Mirror.
“Para vetizolimit ne kemi kaluar shumë kohë së bashku, kështu që nuk është shumë ndryshe”, kishte thënë Saweetie.
Krijuesja e hitit “Icy Girl” tregoi se të dy janë të fokusuar në krijimin e karrierës së tyre edhe në kohët më të vështira.
“Fatmirësisht, ne jemi punëtorë. Ai është i fokusuar në albumin e tretë të Migos, ndërsa unë në projekte të reja, kjo edhe duket si një lloj biznesi tani”.
Ata nuk janë ndalur edhe në kohë të pandemisë coronavirus, pasi kanë prodhuar muzikë nga shtëpia e tyre. /Telegrafi/