Është publikuar kënga më e re e këngëtares shqiptare me famë botërore, Rita Ora.
"Velvet Rope" titullohet kënga e saj më e re, e cila është publikuar në kanalin YouTube në versionin 'audio me tekst'.
Kënga është baladë e lehtë, e cila shoqërohetm e melodi të thjeshtë, kor dhe orkestër.
Kjo është kënga e trembëdhjetë me radhë e albumit të saj të ri "Pheonix", i cili do të publikohet i plotë më 23 nëntor.
Ky album është njëherësh i dyti në karrierën e saj, dhe vjen pas një mungese gjashtë vjeçare në aspektin e prurjeve të albumeve.
Procesi gjyqësor me reperin Jay Z dhe label-in e tij, 'Roc Nation', ishte shkaktari kryesor që ka çuar këngëtaren shqiptare deri në pritjen e gjatë për këtë album.
Në shtator, Rita publikoi edhe këngën "Let you love me", e cila është realizuar edhe me klip, dhe është pritur shumë mirë nga fansat e saj.
Përndryshe, këngëtarja shqiptare me famë botërore, ka konfirmuar edhe se në mars të vitit tjetër, do të realizojë turneun e saj gjigant të koncerteve anë e mbanë botës. /Telegrafi/
