Ringjallja e Zarates, shikoni dy supergolat e tij sonte në Europa League (Video)

Mauro Zarate gjithmonë është konsideruar prej futbollistëve më të talentuar në Evropë.

Megjithatë, sulmuesi pati periudhë të vështirë që prej arritjes te Interi, ku edhe u mendua se do të arrijë kulmin, por në fakt bëri të kundërtën.

Zarate pasi tregoi formë të mirë me West Hamin sezonin e kaluar, vendosi të kthehej në Serie A, te Fiorentina, për t’i sqaruar ato hesape që i kanë mbetur nga e kaluara.

Ai u shfaq sonte më i gjallë se kurrë në duelin e Fiorentinas ndaj Qarabagut të Ansi Agollit, ku shfaqi paraqitje maestrale, shkruan Telegrafi.

Nga pesë golat e realizuar, Zarate shënoi një supergol nga 25 metra distancë dhe një tjetër eurogol nga gjuajtja e lirë.

Klasi dhe teknika e këtij lojtari u shfaqën shumë në këtë duel dhe do të jenë prezente gjatë gjithë sezonit në Serie A për adhuruesit e futbollit italian. /Telegrafi/