Raportohet se Real Madridi është i gatshëm që t’i paguajë 280 milionë euro për transferimin e Kylian Mbappes.
Francezi është shndërruar në njërin prej lojtarëve më të mirë të futbollit modern, gjersa skuadra spanjolle është duke e kërkuar me ngulm transferimin e tij.
Sipas France Football, Reali është i gatshëm që të paguajë shumën e majme për ta transferuar Mbappen nga Paris Saint-Germaini.
Francezi është duke kaluar nëpër një formë të lartë në sezonet e fundit, gjersa madrilenët kanë tentuar ta transferojnë kur ishte pjesë e Monacos.
Që nga transferimi te PSG-ja, Mbappe ka arritur të shënojë 57 gola dhe ka bërë 32 asistime në 85 ndeshje.
Sulmuesi francez aktualisht është golashënuesi më i mirë në këtë sezon në Ligue 1, ku ka arritur të realizoi 30 gola dhe ka bërë gjashtë asistime. /Telegrafi/