17/02/2017
Kryetari i Komunës së Prishtinës, Shpend Ahmeti ka reaguar pas raportimeve se një nga autobusët e rinj që janë lëshuar sot në qarkullim, është prishur.
Ahmeti përmes një postimi në Facebook ka thënë se asnjë nga autobusët nuk është prishur.
" Asnjë autobus nuk është prish sot. I pash disa tituj me gëzim kishin lajmëruar. Edhe po të prishen, janë më garancion. Është kontratë ndërkombëtare kjo", ka shkruar Ahmeti.
Por, sot Kryeshefi ekzekutiv i sektorit urban, Halil Mustafa, ka konfirmuar se autobusi në fjalë ka pasur probleme me rrjedhje të naftës./Telegrafi/