Qeni bie në liqenin e ngrirë, zjarrfikësi rrezikon jetën për ta shpëtuar (Video)

Ekipet e zjarrfikësve ishin shfaqur në vendin e ngjarjes pasi kishin marrë një telefonatë, se një qen kishte ngecur në akullin që kishte filluar të thyhet mbi një liqen sipërfaqja e të cilit ishte ngrirë e tëra.

Videoja e filmuar në Boston, shfaq momentin kur zjarrfikësi rrezikon jetën që ta shpëtojë qenushin që rrezikohej të mbytej në ujërat e ftohta, transmeton Telegrafi.

“Nuk ka rëndësi për ne nëse bëhet fjalë për njerëz apo kafshë, për ne të gjithë janë njësoj”, ka deklaruar Steve McDonald, zëdhënës i zjarrfikësve të Bostonit. /Telegrafi/