Putin shpall ligjin ushtarak në katër rajonet e okupuara të Ukrainës
Presidenti rus Vladimir Putin sot ka shpallur aktivizimin e ligjit ushtarak në katër rajonet e pushtuara të Ukrainës, ku së fundmi Moska shpalli aneksimin e tyre.
Putin këto komente i bëri gjatë takimit të Këshillit të Sigurimit, derisa autoritetet pro-ruse në Kherson kanë filluar me evakuimin e 60 mijë personave në këtë qytet, e rusët me tërë kapacitetet po sulmojnë infrastrukturën energjetike të Ukrainës, transmeton Telegrafi.
Shpallja e ligjit ushtarak në Donetsk, Luhansk, Kherson dhe Zaporizhzhia do të duhej t’i jepte zyrtarisht të drejtë Kremlinit që ta forcoj kontrollin mbi katër rajonet ukrainase që janë nën kontrollin e rusëve.
Në mbledhjen e Këshillit të Sigurimit, Putin prezantoi ligjin ushtarak si një teknikë, duke theksuar se gjendja e luftë de facto ekziston tashmë në këto rajone, por se kjo është një përgjigje ndaj disfatës ushtarake ruse dhe kundërofensivës ukrainase në lindje dhe jug të vendit.
https://twitter.com/KevinRothrock/status/1582702578587955201?ref_src=twsrc%5Etfw%7Ctwcamp%5Etweetembed%7Ctwterm%5E1582702578587955201%7Ctwgr%5E07190fe16e4c85c87fcad519340456920c03821c%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Fvideo-putin-proglasio-ratno-stanje-u-okupiranim-regijama-ukrajine%2F2404661.aspx
Kështu të paktën pretendon në Twitter, Max Seddon, kreu i zyrës së Moskës të Financial Times.
E Kevin Rothrock, redaktor i portalit të pavarur rus Meduza, ka shpjeguar se çfarë nënkupton shpalla e ligjit ushtarak që i mundëson Kremlinit të operojë më shumë në këto rajone.
Me ligjin ushtarak mundësohet futja e orës policore, kufizime që kanë të bëjnë me udhëtimin dhe vendin e banimit, cenzurë ushtarake, ndalimin e protestave dhe shumë tjera, thotë Rothrock. /Telegrafi/