Paris Saint-Germain me anë të një komunikate ka konfirmuar lëndimin mjaft shqetësues të superyllit të klubit, Neymar.
Klubi parizien me anë të një komunikate në orët e vona të së hënës ka lëshuar një komunikatë ku ka konfirmuar lëndimin e brazilianit.
Në këtë komunikim konfirmohet lëndimi i Neymarit, pa u caktuar koha e rikthimit, por natyra e lëndimit të tij sipas mediave ndërkombëtare sigurt e lë atë jashtë sfidës më të rëndësishme të sezonit.
"Ekzaminimet e realizuara gjatë të hënës (ultrazë dhe CT) konfirmuan një ndrydhje eksternale të nyjes së djathtë, po ashtu të ndërlidhur me ekzistencën e një frakture në metatarsalin e pestë (ashti i cili lidhë këmbën me gishtin e vogël)", shkruan në komunikatën e PSG-së.
Edhe pse ishte tekniku Unai Emery ai që shpresoi në një rikthim të Neymarit duket se një gjë e tillë nuk do të ndodhë.
Kjo pasi që shërimi i nyjes së ndrydhur dhe frakturës në metatarsalin e pestë merr kohë maksimalisht deri një muaj.
Ky është lajm i madh para duelit kthyes të PSG-së ndaj Real Madridit, ku francezët do të kërkojnë që të shkrijnë disavantazhin prej 3-1 nga ndeshja e parë.
Neymar u lëndua në klasiken franceze ndaj Marseille.
Mungesa e brazilianit shihet si kruciale, por thellësia në kualitet ja mundëson PSG-së që të vazhdojë të kërkojë rikthimin me ish lojtarin e Realit, Angel Di Maria, që pritet të zë vendin e tij në formacionin startues. /Telegrafi/