Raportohet se Juventusi mund ta humbet Cristiano Ronaldon, pas vetëm një sezoni në klub, por që nuk do të rikthehet te Manchester United.
Sipas mediumit spanjoll ‘Diario Gol’, Paris Saint-Germain është në kontakte me agjentin e yllit portugez, Jorge Mendes, duke i ofruar një kontratë milionëshe.
Në raportim gjithashtu bëhet e ditur se skuadra franceze është duke planifikuar që t’i ofrojë Juventusit 130 milionë euro për transferimin e Cristiano Ronaldos.
Kjo është një shumë e çmendur, pasi portugezi tashmë është 34-vjçar, por që kishte një sezon mbresëlënës te Zonja e Vjetër, duke shënuar 28 gola në të gjitha garat.
Në garë për transferimin e Cristiano Ronaldos është edhe Manchester United, mirëpo portugezi duket se është më i interesuar që të fitojë një kontratë milionëshe.
Mbetet të shihet nëse ish-ylli i Real Madridit do ta pranojë transferimin te PSG-ja, pasi niveli më i ulët i ligës, mund t’i përshtatet atij për shkak të moshës së tij. /Telegrafi/