Prezantohet kartela grafike më e fuqishme Nvidia
Gjatë eventit Computex 2025, Nvidia prezantoi GPU-në e saj më të fundit, të projektuar për detyra komplekse të inteligjencës artificiale.
Nvidia ka prezantuar Blackwell Ultra – një GPU të projektuar për arsyetim të inteligjencës artificiale në shkallë të gjerë, inteligjencë artificiale të bazuar në agjentë dhe motorë të përparuar të inferencës.
Blackwell Ultra fuqizon sistemin GB300 NVL72, një kuti kompjuteri plotësisht e ftohur me lëng që përmban 72 GPU Blackwell Ultra dhe 36 CPU Nvidia Grace, transmeton Telegrafi.
Nvidia thotë se ky sistem ofron performancë 1.5 herë më të mirë se paraardhësi i tij (GB200 NVL72) dhe rrit potencialin e fitimit të Blackwell, deri në 50 herë më shumë se ato të krijuara me Nvidia Hopper.
Kompania thotë se sistemi i ri ka një ndërfaqe 11 herë më të shpejtë në modelet e mëdha gjuhësore (LLM), shtatë herë më shumë fuqi përpunimi dhe katër herë më shumë memorie krahasuar me gjeneratën Hopper.
"IA ka bërë një hap të madh përpara - arsyetimi dhe IA e bazuar në agjentë kërkojnë performancë shumë më të lartë llogaritëse. Ne e projektuam Blackwell Ultra për këtë moment - është një platformë unike dhe e gjithanshme që mund të kryejë lehtësisht dhe me efikasitet para-trajnim, pas-trajnim dhe arsyetim të inferencës së IA-së", tha Jensen Huang, themelues dhe CEO i Nvidia.
Produktet Blackwell Ultra do të jenë të disponueshme nga partnerët e Nvidia-s: Cisco, Dell Technologies, Hewlett-Packard Enterprise, Lenovo dhe Supermicro, duke filluar nga gjysma e dytë e vitit 2025. /Telegrafi/