Memphis Depay është njëri nga lojtarët kryesor të Lyonit në vitet e fundit.
Sulmuesi holandez pas transferimit nga Manchester United e ka bartur barrën kryesore të klubit, por ai ka vendosur të largohet këtë verë nga kampioni i shumëfishtë i Francës.
Trajneri holandez Ronald Koeman e dëshiron me ngulm transferimin e tij te Barcelona, por kjo gjë nuk është e thjeshtë.
Ka qenë presidenti i Lyon, Jean-Michel Aulas që për Telefoot ka zbuluar se në garë fuqishëm për lojtarin është edhe Roma.
“Roma ka shprehur interesim të madh për lojtarin, por edhe Barcelona. Do të pranojmë ofertën më të mirë”, ka deklaruar Aulas.
26-vjeçari ka një kontratë me Lyonin deri në verën e vitit të ardhshëm dhe ka kërkuar largimin nga klubi pasi dëshiron të luaj në garat evropiane.
Lyon do ta lejoj largimin e kapitenit nga skuadra, por për ta bërë një gjë të tillë kërkon 45 milionë euro. /Telegrafi/