Prattipati pret në takim përfaqësues të Listës Serbe, thekson rëndësinë e pjesëmarrjes në institucionet e Kosovës

E ngarkuara me punë e Shteteve të Bashkuara të Amerikës në Kosovë, Anu Prattipati ka vazhduar takimet me përfaqësues të partive politike të Kosovë. 

Ajo priti në një takim përfaqësuesit e Listës Serbe, ndërsa theksoi se pjesëmarrja e gjerë nga të gjitha partitë është thelbësore për të siguruar që çdo komunitet të ketë një zë në të ardhmen e Kosovës.

Në postimin e Ambasadës Amerikane në Facebook tutje thuhet se e Ngarkuara me Punë e SHBA-së në Kosovë, Prattipati po ashtu theksoi rëndësinë e komunitetit serb të Kosovës dhe përfaqësuesve të tij për të marrë pjesë plotësisht në punën e institucioneve të Kosovës.

“Vetëm përmes angazhimit aktiv mund të dëgjohen dhe adresohen zërat, shqetësimet dhe nevojat e qytetarëve”, ka deklaruar ajo.

Ndryshe, zgjedhjet lokale në Kosovë do të mbahen më 12 tetor. /Telegrafi/